Хәвеф-хәтәр 4 апрель 2018 12:36

Әлмәт Архитектура идарәсе башлыгы ришвәт алу буенча тоткарланган

Әлфия Маненковага карата “Ришвәт алу” маддәсе буенча җинаять эше кузгатылган.

Скопировать ссылку

(Казан, 4 апрель, “Татар-информ”). Әлмәттә Архитектура һәм шәһәр төзелеше идарәсе башлыгы Әлфия Маненкова ришвәт алу буенча тоткарланган, дип хәбәр итте тикшерүгә якын шәхси чыганак.

Татарстан Республикасы буенча икътисади куркынычсызлык һәм коррупциягә каршы көрәш идарәсе хезмәткәрләре ачыклаганча, 3 апрельдә арадашчы эшмәкәрдән 15 мең сум акча алган. Акча реклама баннерлары паспортларын тикшерми генә имзалау өчен булган. Акча алынганнан соң арадашчыны да, Маненкованы да хокук саклаучылар тоткарлаган.

Арадашчыга карата “Ришвәтчелектә арадашчылык” маддәсе буенча җинаять эше кузгатылган. Маненковага карата җинаять эше “Ришвәт алу” маддәсе буенча кузгатылган.

#җинаять

Сәхифәләр

Әлмәт Архитектура идарәсе башлыгы ришвәт алу буенча тоткарланган