Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Әлкидә хатын-кызлар арасында район беренчелеге узды
Җиңүчеләргә күбок, грамоталар, медальләр һәм акчалата бүләкләр тапшырылды.
(Әлки, 14 март, "Татар-информ", "Әлки хәбәрләре"). Әлкидә хатын-кызлар арасында волейбол буенча район беренчелегендә Борискино командасы җиңү яулады, дип яза районның "Әлки хәбәрләре" газетасы.
Район беренчелеге уеннары берничә ай дәвам итте. Борискино авыл җирлегенең волейболчы хатын-кызлары һәр очрашуда үзләренең көчле команда булуын раслап килде. Хәер, бу команда һәр елны район беренчелегендә алдынгы урыннар били. Быел да аларга тиңнәр табылмады. Икенче урынны – “Гранит” командасы (район советы һәм башкарма комитеты коллективлары җыелмасы) яулады. Өченче урында – “Альянс” (Базарлы Матак урта мәктәбе һәм Н.Дәүли исемендәге гимназия), дүртенче – “Дуслык” (Пенсия фондының район идарәсе) командалары.
Иң көчле уенчылар дип Майя Шамышева (Борискино), Гөлүсә Хәйруллина (“Гранит”), Ләлә Гаязова (“Альянс”) табылды. Җиңүчеләргә күбок, грамоталар, медальләр һәм акчалата бүләкләр тапшырылды, диелә район хәбәрендә.
Кызыклы яңалыкларны күзәтеп бару өчен Телеграм-каналга язылыгыз