Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Әлки районыннан Нуретдиновлар билбау көрәше буенча Россия чемпионнары булды
Бөтенроссия ярышында 250дән артык спортчы көч сынашкан, анда Казахстаннан да көчле команда чыгыш ясаган.
(Әлки, 16 декабрь, “Татар-информ”, “Әлки хәбәрләре”). Татарстанның Әлки районы Базарлы Матак бистәсендә Регина һәм Руслан Нуретдиновлар билбау көрәше буенча Россия чемпионнары булды, дип шатлык уртаклашты бүген “Әлки хәбәрләре” газетасы.
Спортчылар билбау көрәше буенча Татарстанның Түбән Кама шәһәрендә күптән түгел үткәрелгән Бөтенроссия ярышында алтын медальләр яулады. Регина белән Руслан икесе дә тагын бер мәртәбә спорт мастерлыгына кандидат нормаларын үтәде. Әлеге бәйгедә шулай ук Әлки районының Татар Мулла авылыннан Алия Әсәдуллина, Алпардан Энҗе Һадиева, Базарлы Матактан Наида Мурадова үз авырлыкларында өченче урыннарны алды. Иске Тахталыдан Вероника Хәйруллина үз үлчәмендә көмеш медальгә ия булды.
Түбән Камада узган Бөтенроссия ярышында 250 дән артык спортчы көч сынашкан. Анда Казахстан Республикасыннан да көчле команда чыгыш ясаган, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз