Әлки районында юлын “КАМАЗ” кискән җиңел машина әйләнеп капланган
Һәлакәт бүген көндез Иске Салман авылы янында килеп чыккан.
Скопировать ссылку
(Казан, 31 июль, “Татар-информ”). Әлки районында юлын “КАМАЗ” кискән җиңел машина юл кырыена төшеп китеп әйләнеп капланган. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.
Һәлакәт бүген көндез Иске Салман авылы янында килеп чыккан.
Юл-транспорт һәлакәте нәтиҗәсендә “Шевроле Круз” йөртүчесе зыян күргән. Ир-атны Базарлы Матак хастаханәсенә озатканнар.
Һәлакәт урынында янгын сүндерүчеләр, полицейскийлар һәм табиблар эшләгән.
