Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Әлки районында юл кагыйдәләрен бозган өчен административ штрафларны түләргә өндиләр
Әлки районында юл хәрәкәте түләмәгән 50 кешегә карата чаралар күрелгән.
(Әлки, 31 март, "Татар-информ", "Әлки хәбәрләре"). Бу ел башыннан бирле Әлки районында штрафларын тиешле срокта түләмәгән 50 кешегә карата РФ Административ хокук бозулар турындагы кодексның 20.25 маддәсе 1 бүлеге буенча материаллар төзелде. Суд карары белән 20 кеше штрафларын икеләтә күләмдә түләргә мәҗбүр ителде, дип яза җирле басма.
Бурычлыларның 2 се 15 тәүлеккәчә кулга алуга, ә 5 есе мәҗбүри эшләргә хөкем ителде. Штрафлар буенча әҗәтләре булган бүтән кешеләргә карата эшләр судта карала.
Кыскасы, штрафны вакытында түләп кую – иң әйбәте. Тизрәк түләүчеләр отышта да кала. 2016 елның 1 гыйнварыннан көченә кергән закон буенча, юл хәрәкәте вакытында хокук бозган өчен административ җаваплылыкка тартылган кеше административ штрафны 20 көннән дә соңга калмыйча түләсә ул аның яртысын гына да түли ала. Бу хакта район ЮХИДИ бүлекчәсе начальнигы Рәис Сафин җиткерә.
Кызыклы яңалыкларны күзәтеп бару өчен Телеграм-каналга язылыгыз