Җәмгыять 1 сентябрь 2018 06:00

Әлки районында юл хәрәкәтен күзәтү барышында 19 автобус йөртүче җаваплылыкка тартылган

Әлеге операция барышында 47 автобус тикшерелгән.

Скопировать ссылку

(Әлки, 1 сентябрь, "Татар-информ", "Әлки хәбәрләре" ,Люция Низамиева). 10 августтан 25 енә кадәр районда пассажирлар йөртә торган транспорт чараларын тикшерүләр үткәрелде, дип яза җирле басма.

Әлеге операция барышында 47 автобус тикшерелгән. Болар вахта (18), маршрут (11), заказлы (11) һәм мәктәп (7) автобуслары.

Район ЮХИДИ бүлекчәсе начальнигы Рәис Сафин әйтүенчә, автобус йөртүчеләрнең хезмәт һәм ял режимын үтәвенә, техник контроль чаралары булмаган автобусларда йөрүче шоферларга карата да катгый булганнар.

Кагыйдәләрне бозган дүрт автобус йөртүчесе җаваплылыкка тартылган. Бозулар нигездә хәвефсезлек каешын тиешенчә кулланмау, автобусларның техник төзексезлеге белән бәйле.

Пассажирлар йөртүче транспорт чараларының юл хәрәкәте кагыйдәләрен тиешенчә үтәвен автоинспекторлар һәрдаим күз уңында тота, ди Рәис Сафин. Әйтик, ел башыннан бирле линиягә чыгучы 115 автобус тикшерелгән. Юл хәрәкәтен күзәтү барышында 19 автобус йөртүче җаваплылыкка тартылган. Аларның берсе рульгә исерек хәлдә утырган булган. Дүрт очракта автобусларның техник төзексезлеге ачыкланган. Калганнары транспортта кешеләр йөртү белән бәйле кагыйдәләрне бозганнар.

Әйе, автобус йөртүчеләргә карата таләпләр катгый. Аларның юл кагыйдәләрен төгәл үтәве бит кешеләр иминлеге белән бәйле.

#Әлки хәбәрләре

Сәхифәләр

Әлки районында юл хәрәкәтен күзәтү барышында 19 автобус йөртүче җаваплылыкка тартылган