Авыл 25 апрель 2019 03:00

Әлки районында язгы кыр эшләре актив алып барыла

Күпьеллык үләннәр чәчелгән мәйданнарның 7,4 мең гектарына ашлама кертелгән, һәм барлык кырларның 85 процентында дым каплау үткәрелгән.

Скопировать ссылку

(Әлки, 25 апрель, "Татар-информ", "Әлки хәбәрләре"). Әлки районында уҗым культуралары тулысынча диярлек тукландырылды. Көзеннән 24,3 мең гектарда чәчелгән мәйданнарның 98 процентына минераль ашламалар кертелде. Бу турыда район басмасында хәбәр ителә.

Тырмалау эшләре соңгы көннәрдә туңга сөрелгән басуларда актив алып барыла. Барысы 27 мең гектар мәйданда дым капланды. Бу планга карата 63 процент дигән сүз. Бу атнада районда туңга сөрелгән җирләрдә тулысынча тырмалау үткәреп бетереләчәк.

Кайбер хуҗалыкларда уҗым басуларында дым саклау эшләрен башладылар. Күп урыннарда тырма агрегатлары тәүлек буе эшләтелә. Берничә фермер хуҗалыгында һәм “Хузангай” җәмгыятендә узган атнада арпа чәчә башладылар.

Бүген-иртәгә “ВостокЗернопродукт” хуҗалыклары да арпа һәм көнбагыш чәчүгә керешәчәк.

#Әгерҗе хәбәрләре

Сәхифәләр

Әлки районында язгы кыр эшләре актив алып барыла