Әлки районында туучылар саны кимегән
Ай дәвамында 5 пар язылышкан, 2 гаилә таркалган.
Скопировать ссылку
(Әлки, 11 март, "Татар-информ", "Әлки хәбәрләре"). Февральдә туган бәбиләр хисабына районда халык саны 7 кешегә арткан. Узган айда район ЗАГС бүлегендә шулкадәр бала теркәлгән. Бу турыда җирле басма хәбәр итә.
Ай дәвамында 5 пар язылышкан, 2 гаилә таркалган. Әлкидә яшәүче 23 кеше вафат булган. Ә ел башыннан бирле ЗАГС бүлегендә районның 11 нәни гражданын исәпкә алганнар, 15 парның никахын теркәгәннәр. Елның беренче ике аенда 5 пар аерылышкан, 45 кеше бакыйлыкка күчкән.
Чагыштыру өчен: 2018 елның февралендә яңа туган 12 бала теркәлгән (ел башыннан -25), 3 гаилә төзелгән (8), 5 пар аерылышкан (8), 17 кеше вафат булган (44).