Әлки районында кинога йөрү популярлаша
Аз керемле, күп балалы гаиләләрдә үсүче малайларны, кызларны бушлай кинога чакыралар.
(Әлки, 4 гыйнвар, "Татар-информ", "Әлки хәбәрләре"). Әлки киноучреждениесе бәйрәм көннәрендә халыкны яңа фильмнар белән сөендерә. Бу турыда район басмасы хәбәр итә.
Бөтен Россия кинотеатрларында барган "Снежная королева: Зазеркалье", "Елки последние", "Полицейский с Рублевки", "Три богатыря и наследница престола" кебек киноларны карарга килүчеләр аз түгел.
Бүген исә биредә балаларны көтәләр – Базарлы Матак мәктәбе укучылары 3Д форматта мультфильм караячаклар. 4 гыйнварда, социаль яклау бүлеге аша хәйрия сеанслары оештырыла. Аз керемле, күп балалы гаиләләрдә үсүче малайларны, кызларны бушлай кинога чакыралар.
Киноның соңгы сеансы 21.00 сәгатьтә башлана.