Әлки районына "Әйлән-бәйлән" фестиваленә Төмән өлкәсе коллективы да килгән
Бу көнне мәйданчыкта дуслык җиңде.
(Әлки, 2 июль, "Татар-информ", "Әлки хәбәрләре"). 1 июльдә, "Дубки" лагеры янындагы Кояшлы аланда "Әйлән-бәйлән" халык уеннары республика фестивале узды. Анда Татарстан районнарыннан һәм Төмән өлкәсеннән килгән 22 коллектив катнашты. Бу турыда район басмасы хәбәр итә.
Матур киенгән балалар бик теләп йөгерделәр, иркен чирәмдә уйнадылар. Шул ук вакытта һәр коллектив фестивальгә бер халык уенын алып килде, кайчандыр аларның әби-бабайлары уйнаган.
Фестивальнең жюри әгъзалары рус, татар, чуаш, мари уеннарын, шулай ук керәшен татарларының балалар уеннарын игътибар белән карады һәм бәяләде. Иң яхшыларга бүләкләр тапшырылды. Әмма бу көнне мәйданчыкта дуслык җиңде.
Иң мөһиме – фестивальдә балалар яңа дуслар тапкан, ә аларның сәнгать җитәкчеләре яңа иҗади идеяләр белән кайткан.