Әлки районы үзәгендә бәйрәм ярминкәсе булачак
Ярминкәдә фермерлар сыер һәм кош ите, сөт продуктлары, яшелчә, ашлык, фураж, печән, салам сатачак.
(Казан, 4 ноябрь, «Татар-информ»). 6 ноябрьдә, Әлки районы үзәгендә — Базарлы Матак авылында зур бәйрәм ярминкәсе узачак. Бу турыда «Алькеевские вести» газетасы хәбәр итә.
Ярминкәдә фермерлар сыер һәм кош ите, сөт продуктлары, яшелчә, ашлык, фураж, печән, салам сатачак.
Районда яшәүчеләргә һәм кунакларга утын, кышкы кием-салым, азык-төлек һәм көнкүреш товарлары тәкъдим ителәчәк.
Җәмәгать туклануы предприятиеләре кайнар чәй, шашлык һәм камыр ризыклары тәкъдим итәчәк. Җирле артистлар Халыклар бердәмлеге көненә һәм Татарстан Конституциясе көненә багышланган бәйрәм концерты тәкъдим итәчәк.