Әлки районы һөнәр училищесын тәмамлаучылар диплом алды
Әлеге уку йортын быел 45 яшь белгеч тәмамлады.
Скопировать ссылку
(Әлки, 4 июль, "Татар-информ", "Әлки хәбәрләре", Ләйлә Әхмәтшина). Алексеевск агрокөллиятенең Базарлы Матак филиалын быел тәмамлаган егет-кызлар кулларына аттестат һәм диплом алды. Шулай итеп, әлеге уку йортын быел 45 яшь белгеч тәмамлады. Бу турыда җирле басма хәбәр итә.
Яшьләргә белгечлек буенча документ тапшыруны тантаналы итеп балалар иҗаты йортында үткәрделәр. Укытучылар коллективы да, чыгарылыш студентлар үзләре дә әйбәтләп әзерләнгәннәр. Кунакка ата-аналарны, район җитәкчеләрен чакырганнар, җыр-биюләр, бүләкләр әзерләгәннәр.