Әлки районы Иске Әнҗерә авылы балаларына авылдашлары велосипед бүләк иткән
Бу зур бүләккә быел 1нче сыйныфка керәчәк сабыйлардан башлап 9 нчы сыйныфта укучыларга кадәр барлык балалар ия булган.
Скопировать ссылку
(Әлки, 29 май, "Татар-информ", "Әлки хәбәрләре"). Әлки районының Иске Әнҗерә авылында Азат Мәҗитов 25 балага велосипедлар бүләк иткән. Бу турыда җирле басма хәбәр итә.
Бу зур бүләккә быел 1нче сыйныфка керәчәк сабыйлардан башлап 9 нчы сыйныфта укучыларга кадәр барлык балалар ия булган.
“Балаларның шатлыгының чиге юк, әти-әниләр дә бик сөенде. Авылга ямь кереп, җанланып китте. Мәктәбебезгә, авылыбызга һәрдаим ярдәм итеп торучы игелекле авылдашыбыз Азат Илгиз улына рәхмәтебез зур”, - дигән Иске Әнҗерә мәктәбе директоры Рәмзия Газизова.