Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Әлки районы Базарлы Матакның Геройлар паркында кышкы бәйрәм үтте
"Кыш – иң матур вакыт" дигән исем астында әлеге бәйрәмне район мәдәнияты йорты хезмәткәрләре оештырды.
(Әлки, 6 гыйнвар, "Татар-информ", "Әлки хәбәрләре"). Бүген Әлки районының Базарлы Матак авылындагы Геройлар паркында Кыш бабай һәм Кар кызы олылар һәм балалар өчен кышкы бәйрәм үткәрделәр, дип яза җирле басма.
"Кыш – иң матур вакыт" дигән исем астында әлеге бәйрәмне район мәдәнияты йорты хезмәткәрләре оештырды. Геройлар паркы бик матур итеп бизәлгән. Биредәге биек яшел чыршы, кардан ясалган әкият геройлары сыннары бәйрәм рухын тагын да арттыра. Паркта бәйрәм буласы район газетасы аша алдан ук хәбәр ителгәнгәдер, балалар күп җыелган, олылар да шактый иде. Кыш бабай, Кар кызы, Аю, Бүре, Куян, Төлке кебек җанварлар алар өчен төрле кызыклы уеннар, бәйгеләр оештырдылар. Рәхәтләнеп уйнаган, көч-җитезлектә ярышкан балаларга татлы бүләкләр дә өләштелер.
Күңелле музыка астында олылар һәм балалар чыршы тирәли әйлән-бәйлән уйнадылар, биеделәр. Озакка сузылган бәйрәмнәрдә күбесенчә өйдә табын янында, телевизор карлында утырып "талчыккан" халык рәхәтләнеп саф һавада ял итте, буыннарын яздырды.
Кызыклы яңалыкларны күзәтеп бару өчен Телеграм-каналга язылыгыз