Әлки кызы – дөнья чемпионы
Казахстанның Астана шәһәрендә узган билбау көрәше буенча дөнья беренчелегендә район яшүсмеоләре призлы урыннар яулап кайткан.
(Казан, 3 декабрь, "Татар-информ").26-28 ноябрьдә Казахстанның Астана шәһәрендә узган билбау көрәше буенча дөнья беренчелегендә Әлки яшүсмерләре призлы урыннар яулап кайткан. Бу хакта район басмасы яза.
Әлеге ярышларда 1999-2001 елларда туган малайлар һәм кызлар көч сынашты. Россия җыелма командасы составында безнең өч көрәшчебез – Базарлы Матактан Регина Нуретдинова, Раил Сәгыйров, Иске Тахталыдан Вероника Хәйруллина чыгыш ясадылар. Регина үз авырлыгында беренче урынны алды. Раил белән Вероника икенче урыннарга ия булдылар. Үсмерләрнең тренерлары – Илдар Әхмәров, Рәмзис Сәлахов, Рәмис Вафин.
