Әлки кукурузны бөртеккә суктыруга кереште
Бөртек өчен кукуруз 5409 гектарда чәчелгән иде
(Казан, 20 октябрь, “Татар-информ). Әлки районы басуларында бөртек өчен кукуруз 5409 гектарда чәчелгән иде. Бүгенгә аның 58 гектары суктырылды, аннан 218 тонна бөртек алынды. Район буенча гектардан уртача уңыш 38 центнер тәшкил итә. “Әхмәт” басуларында кукуруз уңышы 74 центнерга җитә, дип яза “Әлки хәбәрләре” басмасы.