Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Әлки командасы – республика бәйгесе җиңүчесе
Ярышларга билбау көрәше үсештә булган биш районнан яшь спортчылар килгән иде.
(Әлки, 23 октябрь, "Татар-информ", "Әлки хәбәрләре") 14 октябрьдә “Алинә” универсаль спорт залында 2004-2006 елларда туган кызлар-малайлар арасында билбау көрәше буенча республика турниры узды, дип яза район газетасы.
Ярышларга билбау көрәше үсештә булган биш районнан яшь спортчылар килгән иде. Егетләр –11 төр, ә кызлар 8 төр авырлык үлчәмендә көч сынаштылар.
Районыбызның яшь көрәшчеләре Альберт Рәхмәтуллин (32 кг.), Алексей Васильев (48 кг.), Ранил Саттаров (60 кг.), Фәнзил Хәмидуллин (65 кг.) беренче урыннарны яуладылар. Ә кызларыбыз, бары ике үлчәмдә Алексеевск көрәшчеләрен алга уздырып, калганнарында үзләре батыр калдылар. Болар – Елизавета Трофимова, Диләрә Шакирова, Аэлита Дормидонтова, Лиана Бәширова, Әдилә Яруллина, Гөлзар Талалаева. Җиңүчеләрнең теренерлары – Илдар Әхмәров, Алмаз Абдуллин, Рәмзис Сәлахов, Фирияз Кәшапов.
Җиңүчеләргә дипломнар, медальләр һәм акчалата бүләкләр тапшырылды.
Кызыклы яңалыкларны күзәтеп бару өчен Телеграм-каналга язылыгыз