Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Ливанда вакытны күчерү турындагы бәхәс аркасында ике сәгать поясы гамәлдә
Ливан Премьер-министры вазифасын вакытлыча башкаручы Наджиб Микати узган пәнҗешәмбе көнне бер айдан - 20 апрельдә вакытны бер сәгатькә алга күчерергә карар итте. Гадәттә илдә бу мартның соңгы ялларында була. Мондый карарның сәбәпләре аталмаса да, бу мөселманнар арасында җиңү буларак кабул ителде. Вакытны күчерүне кичектерү сәбәпле изге Рамазан аенда ураза тотучылар өчен ифтар вакыты бер сәгатькә иртәрәк, якынча кичке алтыда булачак. Бу хакта «Reuters»ка сылтама белән «Российская газета» хәбәр итә.
Әмма Ливанның маронит католик чиркәве шимбә көнне бу карарга буйсынмаячагын белдерде. Вәкилләр сүзләренчә, алар белән бернинди консультацияләр үткәрмәгәннәр һәм халыкара стандартларны исәпкә алмаганнар. Нәтиҗәдә, маронит чиркәве вакытны шимбә кичендә алга күчерде. Башка христиан оешмалары, партияләр һәм мәктәпләр шундый ук планнары турында игълан итте.
Җәйгә вакытка күчү мәсьәләсе Ливанның сәяси һәм дини хакимиятләре арасында каршылыкларны катлауландырды. Искәртик, 1975-90 елларда илдә христиан һәм мөселман фракцияләре арасында гражданнар сугышы булды, ә парламенттагы урыннар дини билге буенча бүленә.
Кызыклы яңалыкларны күзәтеп бару өчен Телеграм-каналга язылыгыз