Мәдәният 28 сентябрь 2009 11:07

Литвада татарларны яхшы беләләр

Петербургта яңадан Ауропага тәрәзә ачылды

Скопировать ссылку

(Санкт-Петербург, 28 сентябрь, “Татар-информ”, Зәрия Хәсәнова). Узган ял көннәрендә төньяк башкалада төп вакыйга - Ауропа көне булды. Бу көнне петербурглылар һәм шәһәр кунаклары чарада катнашкан илләр хакында күп яңалык белде, конкурсларда катнашты. Финляндия институтына килүчеләр фин телен өйрәнү буенча тәүге дәрес алды, викторина сорауларына җавап бирде.Туристларны яңа маршрутлар белән таныштырдылар. Литвалылар программасы киң катлам аудиториягә исәпләнгән иде. Зур экранда көн буе илнең матур җирләре, документаль фильмнар күрсәтелде. Литва Республикасының Санкт-Петербургтагы генераль консулы Ричардас Дегутис Казан хакында сүз чыккач, бөтенләй ачылып китте, сорауларга ихлас җавап бирде. Бездә татар авыллары бар, анда уңган, хезмәтсөяр кешеләр яши, ә инде бәлешләре телеңне йотарлык тәмле, диде. Бельгия һәм Германия илчелекләренә кеше аеруча күп килде. Сәбәбе гади, беренчесендә шоколад һәм торт, икенчесендә колбаса һәм сыра белән сыйладылар. Моннан тыш Швеция, Голландия, Кипр һәм Испания вәкилләре кунакларны үз илләре белән таныштырды, буклетлар бүләк итте.

Сәхифәләр

Литвада татарларны яхшы беләләр