Лиссабонда Алабуга музей-тыюлыгы фондларыннан күргәзмә ачылды
“Татар милли мәдәнияте төсләре” экспозициясе татар халкы мәдәниятенең ачык һәм күпкырлы булуын күрсәтте.
(Казан, 6 ноябрь, “Татар-информ”). Лиссабон Беренче славян мәктәбендә Алабуга музей-тыюлыгы фондларыннан “Татар милли мәдәнияте төсләре” экспозициясе ачылды. Бу хакта Татарстан Мәдәният министрлыгы матбугат хезмәте хәбәр итә.
Экспозиция Португалиядә татар мәдәнияте көннәре кысаларында ачылды.
Күргәзмәдә Алабуга дәүләт музей-тыюлыгы арт-проектында катнашучы Татарстан һәм Башкортстанның атказанган рәссамнары эшләре куелган. 60 картинада татар халкының милли мәдәнияте, традицияләре, гореф-гадәтләре чагылган.
“Татар милли мәдәнияте төсләре” экспозициясе татар халкы мәдәниятенең ачык һәм күпкырлы булуын күрсәтте.
Португалия тәрҗемәчесе Нина Герра Алабуга дәүләт музей-тыюлыгына Марина Цветаеваның португалия теленә тәрҗемә ителгән шигырьләр китабын бүләк итте.