Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Лисичанскига Җир һәм милек мөнәсәбәтләре министрлыгыннан ярдәмнең өченче партиясе килде
Лисичанскига Татарстан Җир һәм милек мөнәсәбәтләре министрлыгыннан гуманитар ярдәмнең өченче партиясе килде.
Республика шефлыкка алган шәһәрнең инфраструктурасын торгызу буенча системалы эшне дәвам итә. Бу юлы Лисичанскига төзелеш материаллары, тәрәзә рамнары, сәнәгать кондиционерлары китерделәр. Йөк составына шулай ук кабул итү зоналарын тәртипкә китерү өчен кирәкле өстәмә офис җиһазлары да кергән. Катлаулы социаль шартларда мондый детальләр шәһәр хезмәтләренең тотрыклы эшкә кире кайтуына ярдәм итә, дип искәрттеләр хакимияттә.
«Органнар эшчәнлеген комплекслы тәэмин итү үзәге» муниципаль казна учреждениесе җитәкчесе урынбасары Андрей Абакумов сүзләренчә, ярдәм шәһәрне торгызу башланганнан бирле даими рәвештә килә. ТР Җир һәм мөлкәт мөнәсәбәтләре министрлыгы Лисичанскига моңа кадәр җибәргән гуманитар ярдәм составында идән кондиционерлары, эш кабинетлары өчен җиһазлар, шулай ук кодлы йозак куелган ишекләр бар иде. Җиһазларны хакимият һәм башка муниципаль учреждениеләрнең ихтыяҗлары өчен яраклаштырганнар.
«Эсседә кондиционерларга ихтыяҗ аеруча зур: алар инде урнаштырылды, һәм хезмәткәрләр уңайлы шартларда эшли ала. Кодлы йозак куелган ишекләр иминлекне арттырырга мөмкинлек бирә. Татарстанга конкрет ярдәмнәре һәм безнең ихтыяҗларга игътибарлы мөнәсәбәтләре өчен рәхмәтлебез», - дип искәртте Андрей Абакумов.
Ул билгеләп үткәнчә, соңгы партиядә тәрәзә рамнары иң кирәклесе булып чыккан. Кешеләр көн саен эшли һәм гражданнарны кабул итә торган учреждениеләрдә тәрәзә алыштыру иң кискен бурычларның берсе булып кала.
Кызыклы яңалыкларны күзәтеп бару өчен Телеграм-каналга язылыгыз