Лилия Гыйбадуллина Пушкин шигърияте һәм рус мәдәнияте көннәрендә катнашачак
Скопировать ссылку
Татарстан Язучылар берлеге әгъзасы, Татарстан Республикасының Габдулла Тукай исемендәге дәүләт премиясе лауреаты, шагыйрә Лилия Гыйбадуллина Пушкин шигърияте һәм рус мәдәнияте көннәрендә катнашачак. Бу хакта, Псков өлкәсенең театр-концерт дирекциясенә сылтама белән, Бөтендөнья татар конгрессы матбугат хезмәте хәбәр итә.
5 июньдә Лилия Гыйбадуллина Псков шәһәренең Курбатов исемендәге китапханәсендә шагыйрьләр белән иҗади очрашуда чыгыш ясаячак, ә 6 июньдә Михайловский аланында шигырьләрен укыячак, диелә хәбәрдә.
Фестиваль «Гаилә» илкүләм проекты кысаларында уза.