"Җәлил укулары" Казанда һәм Чаллыда үткәрелә
Конференция 18 сентябрьдә - Татарстан Милли музее филиалы-Муса Җәлил музей-фатирында, 19 сентябрьдә Чаллы дәүләт педагогика университетында узачак.
Скопировать ссылку
(Казан, 18 сентябрь, "Татар-информ"). Ике көн дәвамында - 18-19 сентябрьдә Казанда һәм Чаллыда "Җәлил укулары" Бөтенроссия фәнни-гамәли конференциясе уза. Конференциядә Татарстаннан һәм чит илләрдән тикшеренүчеләр һәм музей хезмәткәрләре катнаша. Бу хакта Татарстан Мәдәният министрлыгының рәсми сайтында хәбәр ителә.
- "Җәлил укулары" Муса Җәлил музей-фатирының 35 еллыгына һәм Муса Җәлилнең көрәштәше, балалар язучысы Абдулла Алишның тууына 110 ел тулуга багышлана.
Конференциядә шагыйрь белән язучының әдәби мирасы, музей экспозицияләрендә геройлар язмышы белән бәйле проблемалар каралачак.
- Конференция 18 сентябрьдә - Татарстан Милли музее филиалы Муса Җәлилнең музей-фатирында, 19 сентябрьдә Чаллы дәүләт педагогика университетында узачак.
"Татар-информ" "Җәлил укулары" 2018 елдан Россия күләмендә узарга мөмкин, дип хәбәр иткән иде.