Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Җәлил призына көрәш турнирында барлык катнашучылар коронавируска анализ бирәчәк
Роспотребнадзор турнир үтәсе Минзәлә боз сараенда коронавирустан саклану буенча чараларның үтәлешен тикшерде.
(Казан, 10 февраль, «Татар-информ», Алинә Фәйзрахманова). «Ватаным Татарстан» газетасының Муса Җәлил истәлегенә көрәш турнирында катнашучы барлык көрәшчеләр мәҗбүри рәвештә коронавируска анализ бирергә тиеш булачак. Бу хакта «Татар-Информ» матбугат конференциясендә хәбәр ителде.
«Быел турнирда катнашу өчен безгә шулай ук коронавируска анализ бирергә кирәк. Аның нәтиҗәләре ике-өч көн дәвамында билгеле булачак. Мин бу чараны дөрес һәм кирәкле дип саныйм», — диде көрәш буенча дөнья чемпионы, Муса Җәлил турниры җиңүчесе Мусин Булат Марат улы.
Турнир 12-13 февральда Минзәлә районы боз сараенда үтәчәк. Спорт сараенда Роспотребнадзор һәм санэпидемстанция вәкилләре тарафыннан коронавирустан саклану чараларның үтәлеше буенча тикшерү уздырылды.
«Бүгенге көндә безнең боз сараенда Роспотребнадзор таләп иткән коронавирустан саклану буенча барлык чаралар да башкарылган. Температура режимын контрольдә тоту, кулларны эшкәртү, һаваны чистарту өчен җиһазлар барлык биналарда да урнаштырылган. Боз сараенда тамашачылар арасында дистанцияне саклау өчен дә чаралар күрелде» — дип сөйләде Минзәлә муниципаль районының Башкарма комитеты җитәкчесе Нәҗмиев Камил Рим улы.
Кызыклы яңалыкларны күзәтеп бару өчен Телеграм-каналга язылыгыз