Әлфия Авзалованың кызлары әниләрен сагынганда Илһам Шакиров янына килә
Татарстанның халык артисты, легендар җырчы Әлфия Авзалованың вафатына кырык көн булды.
(Казан, 27 июль, “Татар-информ”, Рузилә Мөхәммәтова). Татарстанның халык артисты, легендар җырчы Әлфия Авзалованың вафатына кырык көн булганда, әниләренең искә алу мәҗлесе алдыннан җырчының кызлары халкыбызның бөек җырчысы Илһам Шакировның хәлен белергә килгәннәр. Бу хакта “Татар-информ” хәбәрчесенә Илһам Шакировның ярдәмчесе Илһам Хаҗиев хәбәр итте. “Әлфия апаның кызлары әниләрен сагынганда Илһам абый янына киләләр. Бүген дә кереп бик матур сөйләшеп утырдылар”, - диде ул.
Россиянең атказанган, Татарстанның халык артисты Әлфия Авзалова каты авырудан соң 15 июнь көнне 84 яшендә вафат булды. Ул Казанның Яңа Татар бистәсе зиратында җирләнде.
