Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Әлфия Авзалованың кызлары әниләре турында мемуарлар язу турында уйлана
Г.Тукай исемендәге Татар дәүләт филармониясе Казанның Мәрҗани мәчетендә татарның легендар җырчысы Әлфия Авзалованы искә алу мәҗлесе үткәрде.
(Казан, 28 июль, “Татар-информ”, Рузилә Мөхәммәтова). Татар халкының легендар җырчысы Әлфия Авзалованың кызлары Зөлфия белән Гүзәл әниләре турында мемуарлар язу турында уйлана. Бу хакта Г.Тукай исемендәге Татар дәүләт филармониясе Казанның Мәрҗани мәчетендә оештырган Әлфия Авзалованы искә алу мәҗлесендә бөек җырчының кызы Зөлфия әйтте.
“Безгә бик авыр, моңарчы вакыт ниндидер мәшәкатьләр белән узды. Ыгы-зыгы. Кырыгы җитте, ул узды. Ә алга таба нәрсә эшләргә? Мөгаен, мемуарлар яза башларга кирәктер”, – диде Зөлфия ханым. Ул әнисе турындагы мәзәкләрдән, Әлфия Авзалованың “Фаина Раневская кебек кызыклы сүзләреннән” китап чыгару мөмкинлеген да җиткерде.
Россиянең атказанган, Татарстанның халык артисты Әлфия Авзалова каты авырудан соң 15 июньдә 84 яшендә вафат булды. Ул Казанның Яңа Татар бистәсе зиратында җирләнде.
Кызыклы яңалыкларны күзәтеп бару өчен Телеграм-каналга язылыгыз