Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Әлфия Авзалова соңгы җырын җитмешенче еллар башыннан бирле җырлаган
Татар халкының бөек җырчысы хастаханә палатасында җырлаган соңгы җырын – Рим Хәсәновның "Сагыну җыры"н беренче тапкыр Уфада башкара.
(Казан, 20 июнь, “Татар-информ”, Рузилә Мөхәммәтова). Татар халкының бөек җырчысы хастаханә палатасында җырлаган соңгы җырын – Рим Хәсәновның “Сагыну җыры”н бер кичтә өйрәнеп, беренче тапкыр Уфада башкара.
“Бу җырны Әлфия җитмешенче еллар башыннан бирле җырлый инде. Бик яратып башкара иде, халык та бик яратты”, – дип искә ала гомере буе Әлфия Авзалова белән эшләгән, аның музыканты булган Кәрим Габдуллин.
“Бу 1973-1974 еллар булырга тиеш. Башкорт дәүләт филармониясендә Әлфия Авзалованың концертлары бара иде. Мин концертка килеп, музыкантларның берсе аша җырны тапшырдым. Икенче көнне Әлфия Авзалова музыкантлары белән бергә җырны өйрәнеп, концертта башкарды да”, – дип сөйли Рим Хәсәнов “Башинформ” хәбәрчесенә җыр тарихын. – Беренче тапкыр башкарылса да, аны халык күз яшьләре белән тыңлады”.
Җырның сүзләрен “Башкортостан” дәүләт телевидениесе журналисты Гыйльман Идрисов (1948-2000) язган. Ул яшь композиторга җырлар китергәндә әле Уфа сәнгать институты студенты була. Рим Хәсәнов белән Гыйльман Идрисов тандемында “Тапшырылмаган хатлар” спектакленә дә көй язылган. Әлфия Авзалова бу спектакльдә яңгыраган “Мәхәббәт җыры”н да үз репертуарына ала.
Кызыклы яңалыкларны күзәтеп бару өчен Телеграм-каналга язылыгыз