Əлфия Авзалова белән бер йортта яшәгән күршеләре хушлашты
Җырчының оныгы әбисе белән саубуллашырга Әлфия Авзалованың яраткан эте белән чыккан иде.
(Казан, 17 июнь, "Татар-информ", Гөлнар Гарифуллина). Легендар җырчы Əлфия Авзалова җәсәде үзе яшәгән йортның подъезды төбенә куелды. Гомеренең соңгы елларында Казанның Миңнуллин урамы, 8нче йортта яшәгән артистка белән хушлашырга дип, бергә яшәгән күршеләре чыкты.
"Яраткан өе янына китердек", - диде кызы Зөлфия. Оныгы эте белән чыккан иде. "Әнинең яраткан эте", - диделәр саубуллашучылар. Оныгы Ләйсән Америкадан видеоэлемтәгә чыкты. Телефоннан күршеләренә аның йөзе күрсәтелде.
Күрше подъездда яшәүче Земфира Санатулова Әлфия апаның үзенә чәйгә кергәнен һәм 2 сәгать буе җырлаганын хәтерли. "Моннан ике ел элек ишегалдына чыгып, кәккүк булып кычкырганы истә. Бик күпләр хәйран булган иде бу хәлгә. Өйгә кадәр ишетелде таввшы", - ди ул.
Күршеләре саубуллашкач, җәсәде филармониягә озатылды.
Җырчы белән күршеләре саубуллашу мизгелләре турында "Интертат" газетасында укырга мөмкин.