Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Саратовта Болгар дәүләтендә ислам дине кабул ителүгә багышланган шигъри бәйге була
Бәйгедә теләге булган һәркем катнаша ала.
(Казан, 28 гыйнвар, «Татар-информ»). 24 гыйнварда Саратовның «Яңарыш» мәдәни-агарту оешмасы Идел буе Болгар дәүләтендә ислам динен рәсми рәвештә кабул ителүнең 1100 еллыгына багышланган шигъри бәйге игълан итте.
Россия Мөфтиләр шурасы матбугат хезмәте хәбәр иткәнчә, бәйгедә теләге булган һәркем катнаша ала. Моның өчен Instagram социаль челтәрендәге үз сәхифәңдә #возрождение_конкурс_1100 хештегы белән үзең иҗат иткән шигырьне урнаштырырга кирәк. Әсәр тематик яктан алда торган юбилейга бәйле булырга тиеш.
Бәйгене Идел буе Болгар дәүләтендә ислам динен рәсми рәвештә кабул ителүнең 1100 еллыгына әзерлек кысаларында Саратов шагыйрәсе Әлфия Кәримова белән онлайн-очрашудан соң игълан иткәннәр. Ул «Интернет заманында шагыйрьнең роле» дигән темага багышланган.
Катнашу өчен «Яңарыш» мәдәни-агарту оешмасы (@vz_64_ru) һәм шагыйрә Әлфия Кәримованың Instagram социаль челтәрендәге аккаунтларына (@alfiakarimova73) язылырга кирәк.
Конкурска эшләр 2021 елның 25 февраленә кадәр кабул ителә. Иң яхшы 50 бүләк авторын истәлекле бүләкләр көтә. Аларның шигырьләре тематик җыентыкка да кертеләчәк, диелә хәбәрдә.
Чарада «Яңарыш» оешмасы активистлары һәм Саратов Җәмигъ мәчете каршындагы якшәмбе мәктәбе укучыларының ата-аналары катнашкан, диелә бу хәбәрдә.
Кызыклы яңалыкларны күзәтеп бару өчен Телеграм-каналга язылыгыз