Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан китап нәшриятының белем бирү проекты «Ревизор» бәйгесендә җиңде
«Ревизор» бәйгесенең «Иң яхшы белем бирү проекты» номинациясендә Татарстан китап нәшриятының «Адымнар — белемгә һәм бердәмлеккә юл» проекты җиңде.
(Казан, 24 сентябрь, «Татар-информ»). Татарстан китап нәшриятының белем бирү проекты һөнәри осталык буенча дәрәҗәле «Ревизор» бәйгесендә җиңү яулады.
Татарстан китап нәшриятында хәбәр итүләренчә, җиңүчеләрне бүләкләү тантанасы Мәскәүдә узган. Китапчылар, китап тарату һәм китапханә эше, китап бастыру өлкәсендә иң яхшы проектлар арасында үткәрелә торган «Ревизор» бәйгесенең унынчы, юбилей елында «Иң яхшы белем бирү проекты» номинациясендә Татарстан китап нәшриятының «Адымнар — белемгә һәм бердәмлеккә юл» проекты җиңде.
Конкурска Россиянең 30 төбәгеннән 200дән артык гариза кабул ителгән. Ярты ел дәвамында барган әлеге бәйгедә номинантларның проектлары тәкъдим ителде, интернетта тавыш бирелде һәм эксперт советы нәтиҗә ясады.
Конкурсны «Книжная индустрия» журналы, Россия китап берлеге, Халыкара китап күргәзмәләре һәм ярминкәләр генераль дирекциясе, Матбугат һәм массакүләм коммуникацияләр федераль агентлыгы, ә 2021 елдан — РФ цифрлы үсеш, элемтә һәм массакүләм коммуникацияләр министрлыгы оештыра.
Кызыклы яңалыкларны күзәтеп бару өчен Телеграм-каналга язылыгыз