«Чаянча чагу» шаян хикәяләр бәйгесе җиңүчеләренә акчалата бүләк бирәчәкләр

Иң яхшы юмористик хикәяләр «Чаян» журналында басылып чыгачак.

(Казан, 22 июнь, «Татар-информ»). Туган тел һәм халыклар бердәмлеге елында «Чаян» журналы редакциясе «Чаянча чагу» дип исемләнгән юмористик хикәяләр конкурсы игълан итә.

Оештыручылар хәбәр иткәнчә, шаян хикәяләрне 1 июльдән 2021 елның ахырына редакциягә җибәрергә кирәк.

«Без, үз чиратыбызда, аларның иң шәпләрен сайлап алабыз, журналда бастырабыз һәм авторларны акчалата призлар белән бүләклибез», — ди оештыручылар.

Җиңүчеләр өчен бүләкләр:

  • беренче урын өчен — 15000 сум;
  • икенче урын өчен — 10000 сум;
  • өченче урын өчен — 5000 сум.

Әсәрләрне редакциягә җибәргәнче http://chayan-journal.ru сайтында конкурсның шартлары белән танышырга кирәк.