Башкортстанда шагыйрь, мәгърифәтче Мифтахетдин Акмулланың 190 еллыгын билгеләп үтәләр

Төп юбилей чаралары Уфада һәм Мияки районында узачак.

(Казан, 21 февраль, «Татар-информ»). Башкортстанда 2021 елда шагыйрь һәм мәгърифәтче Мифтахетдин Акмулланың тууына 190 ел тулуны билгеләп үтәләр. Башкортстан Республикасы башлыгы имзалаган тиешле указ хокукый мәгълүматның рәсми интернет-порталында басылып чыкты.

«Башинформ» хәбәр итүенчә, Башкортстан Хөкүмәте вице-премьеры Азат Бадранов җитәкчелегендәге республика оештыру комитеты составы расланган.

Төп юбилей чаралары Уфада һәм Мияки районында узачак. Оештыру комитетына юбилей чараларын әзерләү һәм үткәрү планын эшләү һәм раслау йөкләнгән.