Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Рөстәм Миңнеханов блогерларны Габдулла Тукай шигырьләрен укуда катнашырга чакырды
26 апрельдә бөек татар шагыйренең тууына 135 ел тула.
(Казан, 16 апрель, «Татар-информ»). Татарстан Президенты Рөстәм Миңнеханов блогерларны Габдулла Тукай шигырьләрен укуда катнашырга чакырды. Ул Instagram социаль челтәрендәге үз сәхифәсендә бер видео урнаштырган. Анда Беренче канал журналисты Тимур Шәрәфетдинов рус телендә «Шүрәле» поэмасыннан өзек укый.
«Блогерлар, кушылыгыз, әйдәгез, Тукайны укыйбыз!» - дип мөрәҗәгать иткән республика Президенты үз сәхифәсенә язылучыларга.
2021 елда Татарстанда билгеләп үтелә торган Туган телләр һәм халыклар бердәмлеге елында бөек татар шагыйренең тууына 135 ел тулуга багышланган киң колачлы чаралар үткәрү күздә тотыла.
«Бу шигырь рус телендә дә бик матур яңгырый. Сез аны чын күңелдән укыдыгыз. Рәхмәт!», «Габдулла Тукай – татар халкының иң күренекле шагыйре», - дип искәрткән Президентның сәхифәсенә язылучылар. Аларның кайберләре әлеге флешмобка кушылырга ниятләүләре турында әйткән.
Кызыклы яңалыкларны күзәтеп бару өчен Телеграм-каналга язылыгыз