Калуга өлкәсендә Муса Җәлилне искә алу кичәсе булды
Чарада китап-иллюстратив күргәзмә дә әзерләнгән иде.
(Казан, 14 февраль, «Татар-информ»). В. Г. Белинский исемендәге өлкә фәнни китапханәсе конференц-залында Советлар Союзы Герое Муса Җәлилнең тууына 115 ел тулуга багышланган әдәби музыкаль кичә узды.
Чара Калуга өлкәсе фәнни китапханәсе залы белгечләренең, Калуга өлкәсенең төбәк татар милли-мәдәни автономиясе вәкилләренең уртак тырышлыгы белән әзерләнде һәм уздырылды. Бу турыда Калуга өлкәсе төбәк татар милли- мәдәни автономиясе матбугат хезмәте хәбәр итә.
Очрашуда Калуга өлкәсе Эчке сәясәт һәм массакүләм коммуникацияләр министрлыгының сәяси һәм милли берләшмәләр белән эшләү бүлеге баш белгече Автушенко Наталья Павловна катнашты.
Чарада китап-иллюстратив күргәзмә дә әзерләнгән иде.