Мәдәният 12 декабрь 2021 09:55

Мәскәүдә Габдулла Тукай әсәрләреннән торган җыентык тәкъдим ителәчәк

Тәкъдим итү чарасы Татарстанда Туган телләр телләр һәм халыклар бердәмлеге елына, шулай ук Габдулла Тукайның тууына 135 ел тулуга багышланган.

Скопировать ссылку

(Казан, 12 декабрь, «Татар-информ»). 15 декабрьдә Мәскәүдә «Габдулла Тукай мәҗмугаи асаре» тәкъдим ителәчәк. Тукай язып калдырганча, әлеге китапка ул үз халкы өчен калдырырга теләгән әсәрләр генә тупланган. Бу хакта Татарстанның Россиядәге вәкаләтле вәкиллеге матбугат хезмәте хәбәр итә.

Моңа кадәр бу җыентык өч тапкыр һәм өчесендә дә гарәп графикасында (1914 һәм 1918 елларда – Казанда, 1933 елда – Токиода) дөнья күргән. Ул кириллицада беренче тапкыр 2021 елда Татарстан китап нәшриятында басылып чыкты.

Китап кереш сүздән, 1914 елгы басманың кириллицага күчермәсеннән һәм искәрмәләрдән тора. Укучылар әлеге мәҗмугада уникаль материаллар, шул исәптән шагыйрьнең җыентыкны әзерләве турында замандашларының истәлекләре, әсәрләренә иллюстрацияләр, Габдулла Тукай һәм шагыйрь булган урыннарда төшерелгән фотолар белән таныша алачак.

Чара 19.00 сәгатьтә башлана, ул Мәскәү шәһәренең Татар мәдәнияте үзәгендә узачак, +7-495-951-87-59 телефоны яки сылтама буенча алдан теркәлергә кирәк.

#Габдулла Тукай #Мәскәү татарлары

Сәхифәләр

Мәскәүдә Габдулла Тукай әсәрләреннән торган җыентык тәкъдим ителәчәк