Самара татарларының «Шигърият дөньясында» бәйгесе Роберт Миңнуллин иҗатына багышлана

Бәйгедә катнашу өчен Роберт Миңнуллинның бер шигырен яттан сөйләп, видеога яздырырга кирәк

(Казан, 1 октябрь, «Татар-информ»). Самара өлкәсе татарлары татар шагыйрьләре әсәрләреннән «Шигърият дөньясында» шигырь укучылар бәйгесе үткәрә. Быел конкурс танылган татар шагыйре Роберт Миңнуллинның (1948-2020) иҗади мирасына багышлана. Бу хакта Бөтендөнья татар конгрессы матбугат хезмәте хәбәр итә.

Конкурста катнашучылар Роберт Миңнуллинның бер шигырен яттан сөйләп, видеога яздыра. Видеоязманы 15 октябрьгә кадәрduslyksamara@mail.ru почтасына юлларга кирәк.

Шигъри бәйге онлайн үткәрелә. Шигырьнең эчтәлеге чыгыш ясаучының яшенә туры килергә тиеш, дип искәртә оештыручылар. Татар телендәге шигырьләрне һәм шулай ук рус теленә тәрҗемә ителгәнәрен дә сөйләргә мөмкин, диелә хәбәрдә.