Леонид Слуцкий ТР Президентының Instagram социаль челтәрендәге сәхифәсенә язылды
«Рубин»ның яңа тренеры Рөстәм Миңнехановның сәхифәсенә язылучылар санының күп булуына соклану катыш гаҗәпләнүен белдерде.
(Казан, 11 гыйнвар, «Татар-информ»). Бүген «Рубин» футбол клубының яңа тренеры Леонид Слуцкий Татарстан Президенты белән очрашу вакытында Рөстәм Миңнехановның Instagram социаль челтәрендәге сәхифәсенә язылуы һәм нәкъ менә аккаунт аша Татарстан белән таныша башлавы хакында сөйләде.
«Сезнең инстаграм бик текә, язылучылары бик күп!» - диде тренер. Бу хакта ТР Президентының матбугат хезмәте җитәкчесе Лилия Галимова хәбәр итә.
Сүз уңаеннан, «Татар-информ» агентлыгы ТР Президентының сәхифәсе «лайклар» һәм шәрехләмәләр саны буенча Россия губернаторлары социаль челтәрләрендәге иң «җанлы» аккаунтлар рейтингында икенче урынны алуы хакында хәбәр иткән иде инде.
«У Вас инстаграмм крутой, столько подписчиков!»- Л.Слуцкий признался, что начал знакомство с республикой через аккаунт @RusMinnikhanov в инста pic.twitter.com/Tc9t2elDIF
— Лилия Галимова (@liliGalimova) 11 января 2020 г.
Очрашу барышында Рөстәм Миңнеханов һәм Леонид Слуцкий футбол һәм «Рубин» клубын үстерү мәсьәләләре хакында фикер алышты, шулай ук футболчылар әзерләү темасын кузгатты. Президент Татарстанда өсте ябулы дүрт футбол манежы төзелүе турында сөйләде һәм зур спорт өчен кадрлар әзерләүдә клубның үз мәктәбен формалаштыруның әһәмиятен искәртте.