Җәмгыять 10 сентябрь 2018 08:00

Лениногорскиның Тимәш җирле үзидарә советы яңа биналы булды

Бина “авыл җирлегендә административ башкарма комитет биналарын төзү” программасы нигезендә сафка бастырылды.

Скопировать ссылку

(Казан, 10 сентябрь, "Татар-информ", "Заман сулышы", Розалия Мостафина). Лениногорскиның Тимәш авылында авыл җирлеге башкарма комитетының яңа бинасы ачылды, дип яза җирле басма.

Тантанада “Татарстан Республикасы муниципаль берәмлекләр Советы“ Ассоциациясе рәисе Әгъзам Гобәйдуллин катнашкан.

Тимәштәге яңа сельсовет бинасы “авыл җирлегендә административ башкарма комитет биналарын төзү” программасы нигезендә сафка бастырылды. Ул дүрт ай эчендә төзелде. Бу - районда әлеге программа нигезендә төзелгән беренче бина, диелә хәбәрдә.

Яңа бина искесе янында урнашкан. Бина эче якты, һәр белгечнең үз кабинеты бар. Программага җиһаз белән тәэмин итү дә кергәнлектән, алар кабинетларга урнаштырылган. Инженерлык челтәрләре сузылган. Иске җирле үидарә бинасын исә китапханә итеп ясаячаклар.

#лениногорски #җирле үзидарә

Сәхифәләр

Лениногорскиның Тимәш җирле үзидарә советы яңа биналы булды