news_header_top_970_100
16+
news_header_bot_970_100

Лениногорскидан махсус хәрби операция зонасына гуманитар ярдәм җибәрделәр

Лениногорскидан махсус хәрби операция зонасына гуманитар ярдәм җибәрделәр
Роман Богатов

Махсус хәрби операция зонасына өч машина озатуында 20 тонналы гуманитар йөк белән фура юлга чыкты. Әлеге машиналарга мобилизацияләнүчеләргә исемле посылкалар төялгән. Посылкаларны хатыннары, әти-әниләре, туганнары, якыннары җыйган. Бу хакта «Заман сулышы» хәбәр итә.

«УАЗ» һәм «Нива» машинасы хәрбиләргә калачак. «Нива» автомашинасын «Лениногорск» шифаханәсе биргән.

Лисичанск халкы өчен төзелеш материаллары, азык-төлек продуктлары төялгән, шулай ук «Жилищник» җәмгыяте зыян күрүчеләргә 12 куб төзелеш такталары җибәрде. Шәхси эшмәкәр Рамиз Мамедов күп күләмдә бәрәңге, суган, шикәр, ярма, май тапшырды. «Агропак-Татарстан» 20 тонна артезиан суы, «Ихлас» мәчете вәкилләре һәм «Бердәм Россия» партиясенең җирле бүлекчәсе азык-төлек продуктлары тапшырган.

Гуманитар йөкне озатуда «Бердәм Россия» сәяси партиясенең җирле бүлекчәсе башкарма секретаре Игорь Храмов, Әфганстандагы сугыш хәрәкәтләре ветераны, Лениногорск бүлекчәсендәге «Беркут» хәрби-патриотик клубы җитәкчесе Рамил Даутов, Лениногорскиның «Чик сакчылары берлеге» рәисе Артем Сарбаев, «Арго» җитәкчесе Рамил Әсәдуллин киттеләр. Алар барысы да хәрби операция зонасына якташлары янына берничә тапкыр барды.

 

autoscroll_news_right_240_400_1
autoscroll_news_right_240_400_2
news_bot_970_100