Лениногорскида яшәүче мошенникларга 10 мең сум акча күчергән
Әлеге факт буенча җинаять эше кузгатылган, тикшерү эшләре алып барыла.
(Лениногорск, 3 май, "Татар-информ", "Заман сулышы"). Лениногорск эчке эшләр бүлегенә 41 яшьлек бер ир шалтыратып, үзен алдауларын хәбәр итә, дип яза ьирле басма.
Ә хәл болайрак була. Аңа социаль челтәрләрдән бер танышына 10 мең сум акча кирәклеге турында хәбәр килә. Ир уйлап тормый, ярдәм итәргә була һәм күрсәтелгән реквизитлар буенча акча күчерә.
Бераздан танышының интернеттагы бите блокировать ителгән булуын күрә һәм алдануын аңлый.
Әлеге факт буенча җинаять эше кузгатылган, тикшерү эшләре алып барыла, дип хәбәр итә Лениногорск эчке эшләр бүлеге матбугат хезмәте.
Халыкны сак булырга, алдарларга ышанмаска чакыралар. Ул-бу булса, тиз арада полициягә «02» телефоны буенча шалтырату кирәклеген искәртәләр. .