Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Лениногорскида яшәүче хатын-кыз мошенникларга 120 мең сум акчасын биргән
Полиция мошенникның телефон номеры Мәскәүдә теркәлүен ачыклаган
(Казан, 18 гыйнвар, «Татар-информ», Полина Шевчук). Татарстанда яшәүче хатын-кыз, ялган банкирга ышанып, 120 мең сум акчасын югалткан. Бу турыда Татарстан буенча Эчке эшләр министрлыгы матбугат хезмәте хәбәр итә.
Кичә Лениногорскида яшәүче 50 яшьлек хатын-кыз полициягә мөрәҗәгать иткән. Ул үзенә билгесез кеше шалтыратуын, үзен банк хезмәткәре дип таныштыруын һәм хатын-кызның счетыннан акча алырга җыеналар дип хәбәр итүен сөйләгән. Шуңа күрә билгесез зат бөтен акчасын резерв счетына күчерергә тәкъдим иткән. Моның өчен алданган ханым картасындагы мәгълүматны, смс-кодны әйтергә тиеш булган.
Беркатлы ханым бөтен мәгълүматларны хәбәр иткән һәм аның картасыннан 120 мең сум акчасын алганнар.
Полиция мошенникның телефон номеры Мәскәүдә теркәлүен ачыклаган. Җинаять эшен кузгату мәсьәләсе хәбәр ителә.
Кызыклы яңалыкларны күзәтеп бару өчен Телеграм-каналга язылыгыз