Лениногорскида урамнарны юалар
Күпфатирлы йортларны, балалар мәйданчыкларын да дезинфекциялиләр.
Скопировать ссылку
(Лениногорск, 5 апрель, «Татар-информ», «Заман сулышы»). Бүген 5 апрельдә иртә таңнан ук техника Лениногорск шәһәре урамнарын юарга һәм дезинфекцияләүгә кереште. Бу турыда район басмасы хәбәр итә.
30 марттан Татарстанда яңа коронавирус инфекциясе таралуга чик куймау сәбәпле, үз-үзеңне изоляция режимы кертелде. Шунлыктан дезинфекция эшләре алып барыла. Күпфатирлы йортларны, балалар мәйданчыкларын да дезинфекциялиләр.
«Татнефть» җәмгыяте генераль директоры Наил Маганов инициативасы буенча җәмгыятьнең коммуналь техникалары иртәдән Лениногорск урамнарын юарга һәм дезинфекцияләүгә кереште.