Сәясәт 18 март 2018 11:44

Лениногорскида сайлау участокларына әби-бабайлар оныкчыклары белән бергә килә

Бер гаиләдәге традиция буенча, ирләр бергә, ә хатын-кызлар алардан аерым, җыелышып барып тавыш бирә, дип яза район газетасы.

Скопировать ссылку

(Лениногорск, 18 март, "Татар-информ", "Заман сулышы"). Лениногорскида сайлау участокларына балалары, оныклары, оныкчыклары белән киләләр. Эльмира Габдушовага 73 яшь. Ул 11 нче гимназиядәге 1801 нче сайлау участогында тавыш бирде. Сайлауга 4 яшь ярымлык оныкчыгы Сергей белән килгән, дип хәбәр итте район газетасы.

“Сайлауларда катнашмый калганым юк. Баштан балаларымны ияртеп килә идем, аннары оныкларны. Бүген менә оныкчыгым белән килдем. Тавыш бирү белән кайтып китәргә җыенган идем. Кая ул, юк, кайтмыйбыз, концерт карыйбыз, дип мине туктатты”, - дип сөйләгән Эльмира ханым.

Мөнир абый Камаловларның гаиләсендә дә сайлауларда катнашуның үз традициясе бар икән. Гаиләдәге ирләр бергә, ә хатын-кызлар алардан аерым, шулай ук бергә җыелышып барып тавыш бирә. Мөнир абый оныгы Рафаэльгә сайлау участогында үзеңне ничек тоттарга икәнлеге аңлатып бара, диелгән әлеге хәбәрдә.

#лениногорски #сайлау

Сәхифәләр

Лениногорскида сайлау участокларына әби-бабайлар оныкчыклары белән бергә килә