Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Лениногорскида полицейский Кыш бабай балаларны Яңа ел белән котлады
Хәйрия акциясе кысаларында Кыш бабай белән Кар кызы 40тан артык гаиләдә тәрбияләнүче 120 кыз һәм малайга бүләкләр өләште.
(Лениногороск, 2 гыйнвар, «Татар-информ», «Заман сулышы»). Лениногорск районында ел саен Яңа ел бәйрәмнәре алдыннан хокук сакчылары «Полиция Кыш бабае» акциясен оештыра. Алар катлаулы социаль хәлдә булган гаиләләрдә тәрбияләнүче малайлар һәм кызларны котлый, дип яза район газетасы.
Балигъ булмаганнар эшләре буенча инспекторларны Кыш бабай һәм Кар кызы киемнәрендә елга бер генә тапкыр — Яңа ел алдыннан күреп була. Лениногорскиның эчке эшләр бүлеге хезмәткәрләре балаларга шатлыклы вакыйга бүләк иткән арада гаиләнең яшәү шартлары белән дә кызыксына, ата-аналар белән сөйләшә.
Быел хәйрия акциясе кысаларында Кыш бабай белән Кар кызы 40тан артык гаиләдә тәрбияләнүче 120 кыз һәм малайны котлады, бүләкләр өләште.
Кызыклы яңалыкларны күзәтеп бару өчен Телеграм-каналга язылыгыз