Лениногорскида мобилизацияләнгән хәрбинең гаиләсендә дүртенче сабый туган
Лениногорск бала тудыру йортыннан мобилизаөияләнгән хәрбинең хатыны, күпбалалы әни – Роза Гатауллинаны яңа туган сабые белән бала тудыру йортыннан чыгардылар. Бу хакта үзәк хастаханәнең матбугат хезмәте хәбәр итә, дип яза «Заман сулышы».
Сабый 10 октябрьдә 3070 граммлы булып туган. Ул – гаиләдә дүртенче бала. Аңа Розиль дип исем кушканнар. Яңа туган сабыйның әтисе 2022 елның октябрендә өлешчә мобилизация кысаларында махсус хәрби операциягә китә.
Күп балалы әнине котларга башкарма комитет җитәкчесе урынбасары Гөлнара Вәгыйзова, ЗАГС җитәкчесе Кадрия Хәлимова, Лениногорск баш табибы Равил Шаһиев һәм Гатауллиннарның якыннары, туганнары килде. Җылы котлау сүзләре ирештерделәр.
Әни кешегә бала тормышының беренче елында кирәк булачак әйберләр тартмасы, чәчәкләр, бүләкләр бирделәр.