news_header_top
16+
news_header_bot
news_top

Лениногорскида МЧС хезмәткәрләре балалар бакчасын шөпшәләрдән коткарган

Шөпшәләр Садриев урамындагы балалар бакчасында оялаган.

(Казан, 8 август, “Татар-информ”). Лениногорскида МЧС хезмәткәрләре балалар бакчасын шөпшәләрдән коткарган. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

Кичә иртән 112 бердәм хезмәте номерына Садриев урамындагы балалар бакчасы җитәкчесеннән бинада шөпшәләр оялавы турында хәбәр алынган.

7нче коткару часте хезмәткәрләре шөпшәләрне алып урманга җибәргән.

Шундый ук хәл Горький урамындагы 7нче балалар бакчасында июль ахырында булган иде. Ай уртасында исә коткаручылар Лениногорскиның туберкулез диспансерын шөпшәләрдән коткарган иде.
 

news_right_1
news_right_2
news_bot