Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Лениногорскида котыру авыруы аркасында карантин кертелде
Авыруның соңгы очрагыннан ике ай узгач, билгеләнгән чикләүләр бетереләчәк.
(Казан, 26 февраль, «Татар-информ»). Лениногорск шәһәренең Хәйретдинов урамында котыру авыруы буенча карантин кертелде. ТР Президенты Рөстәм Миңнехановның тиешле указы республика президенты сайтында урнаштырылган.
«Лениногорск шәһәрендә Хәйретдинов урамы территориясендә хайваннар котыру авыруы булганга, карантин урнаштырырга», — диелә документта.
Карантин гамәлдә булган вакытта шәһәрнең бу өлешендә йорт хайваннары белән сәүдә итү һәм аларны аннан читкә чыгару, авыру хайваннарны ит өчен чалу һәм аларның сөтен куллану тыела. Моннан тыш, сәламәт хайваннарның сөтен пастеризацияләмичә сату һәм куллану тыела..
Карантин чараларны гамәлгә ашыру өчен җаваплылык ТР Министрлар Кабинетының Баш ветеринария идарәсенә йөкләнгән.
Кызыклы яңалыкларны күзәтеп бару өчен Телеграм-каналга язылыгыз