Лениногорскида юл һәлакәтеннән соң җиңел машина әйләнеп капланган, ике кеше зыян күргән
Скопировать ссылку
шаһитлар
Кичә Лениногорскида Чайковский урамындагы 26 нчы йорт каршында кичке бишләр тирәсендә җитди юл-транспорт һәлакәте булды.
«Татар-информ»га шаһитлардан мәгълүм булганча, юлны Hyundai һәм Volkswagen маркалы җиңел машиналар бүлешә алмаган. Бәрелүдән соң немец автомобиле юл кырыена чыгып очкан һәм түбәсенә әйләнеп капланган.
«Авариядә ике кеше зыян күрде – Volkswagen машинасы йөртүчесе һәм пассажиры. Аларны ашыгыч ярдәм машинасында хастаханәгә алып киттеләр», – дип сөйләде вакыйганың шаһитлары.
