news_header_top_970_100
news_header_bot_970_100

Лениногорскида эшсезләр өчен ярминкә үтте

Ярминкәдә 200дән артык кеше катнашты

(Казан, 2 март, “Татар-информ”, Роза Исмәгыйлова). Лениногорски муниципаль районының мәшгульлек үзәгендә эш урыннары тәкъдим итү буенча ярминкә узды, дип хәбәр итә “Заман сулышы” газетасы.
Әлеге чарада “ЛозНА”, “Идал”, Лениногорскиның механика заводы, “Ностальжи” арт-кафесы, почта хезмәте, “РемСервисТранспорт”, “Витязь” шәхси сак предприятиесе, “Агропродсервис”, “Росток”, “Татар монтаж-көйләү идарәсе” (ТМНУ), “ЛенИнвестСтрой”, Технологик транспорт идарәсе (УТТ), “Лениногорская” агрофирмасы” җәмгыятьләре эш тәкъдим итте. Ярминкәдә 200дән артык кеше катнашты.
Тәкъдим ителгән эшләрдән күренгәнчә, бүген райондагы оешмаларга слесарь, эретеп-ябыштыручы, хисапчы, кассир, почта хезмәткәре, сакчылар, В, С, D, Е категорияләре булган шоферлар, ветеринария табибы, агроном, тракторчы, слесарь-моторист, официант, пешекче, инженерлар, менеджер, токарь, фрезерчы, баш технолог, икътисадчылар җитми.
Эш эзләүчеләр арасында пенсия яшендәге абый-апалар да, урта яшьтәгеләр дә, яшьләр һәм студентлар да бар иде. Ләкин, кызганыч ки, эшкә урнашам һәм эшлим дигән ныклы карарга килүчеләр бармак белән генә санарлык булды. Нәтиҗәдә Лениногорск механика заводына эшкә урнашырга ун кеше теләк белдергән. Алар эш шарты турында сөйләшүгә чакырылган. “Лениногорская”агрофирмасы”на – 2, “РемСервисТранспорт”ка – 5, Татар монтаж-көйләү идарәсенә – 1, “Витязь” шәхси сак предприятиесенә – 6 кеше мөрәҗәгать иткән, эш тәртибе, хезмәт хакы, соцпакет бирелү-бирелмәве белән кызыксынган.

news_right_column_1_240_400
news_right_column_2_240_400
Медиаметрикс
news_bot_970_100