Лениногорскида балалар иҗаты конкурсының җиңүчеләрен билгеләделәр
Җиңүчеләрнең эшләре республика Эчке эшләр министрлыгына җибәрелде.
Скопировать ссылку
(Ляениногорск, 13 май, "Татар-информ", "Заман сулышы"). Лениногорск эчке эшләр бүлегендә "Полицейский Дядя Стёпа" балалар иҗаты конкурсының район этабы төгәлләнде. "Полицейский Дядя Стёпа" конкурсының сайлап алу этабы җиңүчеләрен билгеләделәр. Бу турыда җирле басма хәбәр итә.
Анда 6-14 яшьлек балалар катнашты. Җиңүчеләрнең эшләре республика Эчке эшләр министрлыгына җибәрелде.
Беренче урынны Полина Марданшина (6 яшь), икенче урынны Полина Захарова (8 яшь), өченче урынны Софья Канавалова (6 яшь) алган.
Лениногорск эчке эшләр бүлеге начальнигы Айбулат Юнусов аларны җиңүләре белән котлап, уңышлар теләде.